20 Hydref 2026
Mae cadw plant yn ddiogel yn brif flaenoriaeth i’n hysgolion. Er mwyn cefnogi hyn, mae Cyngor Caerdydd wedi gweithio gydag ysgolion a gweithwyr proffesiynol diogelu i greu Offeryn Hunanasesu Diogelu digidol newydd.
Mae’r offeryn ar-lein yn disodli ffurflenni a thaenlenni papur gydag un system syml, ddiogel. Mae’n helpu ysgolion i adolygu eu trefniadau diogelu a chwblhau asesiadau yn gyflymach ac yn gyson.
Gweithio gyda’n gilydd
Datblygwyd yr offeryn gan:
- Gwasanaethau Addysg,
- Gwasanaethau Plant,
- cynrychiolwyr ysgolion, a
- thimau Digidol a SharePoint y Cyngor.
Helpodd ysgolion i lunio a phrofi’r system i wneud yn siŵr ei bod yn hawdd i’w defnyddio ac yn diwallu eu hanghenion.
Manteision i ysgolion
Mae’r system newydd yn darparu:
- Platfform ar-lein diogel
- Canllawiau ac awgrymiadau clir
- Dull cyson ar draws ysgolion Caerdydd
- Llai o waith papur a gweinyddiaeth
- Cofnodi ac adolygu gwybodaeth diogelu yn haws
Mae’r holl wybodaeth yn cael ei storio’n ddiogel gan Gyngor Caerdydd, gyda mynediad wedi’i gyfyngu i ddefnyddwyr awdurdodedig a rheolaethau diogelu data priodol ar waith.
Gwell gwybodaeth, gwell cymorth a gwneud penderfyniadau
Mae’r offeryn hefyd yn rhoi darlun cliriach i Gyngor Caerdydd o ddiogelu ar draws ysgolion. Mae hyn yn helpu timau i nodi tueddiadau, rhannu arfer da, adnabod meysydd lle gallai fod angen cymorth, a chynhyrchu adroddiadau’n fwy effeithlon..
Edrych tua’r dyfodol
Mae’r Offeryn Hunanasesu Diogelu yn enghraifft wych o sut y gall technoleg ddigidol wella gwasanaethau. Mae’n gwneud y broses yn haws i ysgolion, yn darparu gwell gwybodaeth ar gyfer gwneud penderfyniadau, ac yn cefnogi ymrwymiad Cyngor Caerdydd i wasanaethau digidol modern, diogel.
