Hafan
Sut rydym yn gweithio
Cymryd rhan
Cymorth i chi
Ein cynnydd
Millennium Centre Cardiff

Strategaeth Ddigidol Cyngor Caerdydd

Rydym yn adeiladu Caerdydd sydd wedi’i chysylltu’n ddigidol. Dinas lle mae technoleg a chymuned yn mynd law yn llaw. Ein nod yw darparu gwasanaethau clyfar ac effeithlon sy’n rhoi dinasyddion yn gyntaf ac sy’n gwneud bywyd yn haws i bawb.

Nid yw ein strategaeth ddigidol yn ymwneud â thechnoleg yn unig; mae’n ymwneud â phobl. Rydym wedi ymrwymo i sicrhau bod pob dinesydd, beth bynnag ei gefndir neu ei allu, yn gallu cael mynediad at ein gwasanaethau digidol ac elwa ohonynt. Trwy feithrin cynhwysiant digidol a darparu cefnogaeth i’r rhai sydd ei hangen, byddwn yn creu cymuned fwy teg a chysylltiedig.

Dros y pum mlynedd nesaf, byddwn yn parhau i archwilio cyfleoedd newydd ar gyfer arloesi digidol, yn adeiladu ar ein llwyddiannau, ac yn gweithio ar y cyd â’n cymunedau, ein partneriaid a’n rhanddeiliaid.

Gyda’n gilydd, byddwn yn creu dyfodol digidol sy’n gynhwysol, yn gynaliadwy ac yn fuddiol i bawb.

Mae’n ymwneud â phobl, nid technoleg yn unig

Cynhwysiant a hygyrchedd yw hanfod ein strategaeth ddigidol. Credwn y dylai pawb, beth bynnag eu cefndir a’u gallu, elwa o wasanaethau digidol.

Lawrlwythwch Strategaeth Ddigidol Caerdydd (PDF 3MB)

Dros y pum mlynedd nesaf, byddwn yn:

  • Arloesi gydag offer a syniadau digidol newydd
  • Cydweithio â chymunedau, partneriaid a rhanddeiliaid
  • Adeiladu dyfodol sy’n gynhwysol, yn gynaliadwy ac yn fuddiol i bawb

Gyda’n gilydd, rydym yn llunio Caerdydd digidol sy’n gweithio i bawb.

Sut mae ein cynnydd digidol yn eich helpu chi

Ers 2018, rydym wedi trawsnewid y ffordd rydych chi’n cael mynediad at wasanaethau’r cyngor – gan eu gwneud yn gyflymach, yn symlach, ac yn fwy cynhwysol.

Dyma sut mae ein taith ddigidol yn gwella bywyd bob dydd yng Nghaerdydd:

<

  • Croeso i Wefan Strategaeth Ddigidol Cyngor Caerdydd

    Rydym wedi lansio’r wefan hon roi’r wybodaeth ddiweddaraf i chi am ein cynlluniau digidol ar gyfer Caerdydd. …

    , , ,

  • Rheoli prosiectau digidol

    Rydyn ni eisiau sicrhau bod yr holl brosiectau digidol yn y Cyngor yn cael eu rheoli mewn ffordd gyson. Rydyn ni’n sefydlu canllawiau a safonau i helpu timau’r Cyngor i ddewis y dechnoleg gywir a datblygu’r sgiliau cywir. …

  • Cynlluniau ar gyfer BOBi (sgyrsfot)

    Mae ein tîm yn datblygu cynlluniau i uwchraddio BOBi, ein cynorthwyydd digidol, i fodel AI cynhyrchiol gyda chefnogaeth ddwyieithog lawn. Bydd hyn yn galluogi BOBi i ymateb yn fwy naturiol a deallus yn y Gymraeg a’r Saesneg – gan ei gwneud hi’n haws i bawb gael atebion cyflym a defnyddiol yn eu dewis iaith. …

  • Budd-daliadau a’r Dreth Gyngor ar-lein

    Bydd gwella ein system refeniw a budd-daliadau yn galluogi dinasyddion i weld gwybodaeth am eu budd-daliadau tai a’u gostyngiadau’r dreth gyngor ar-lein. Bydd y datblygiad hwn yn ei gwneud hi’n haws i breswylwyr weld manylion ariannol pwysig yn gyflym ac yn ddiogel – gan leihau’r angen i ffonio neu ymweld yn bersonol a gwella cyfleustra …

  • Sylw symudol dibynadwy

    Rydyn ni’n parhau i weithio gyda gweithredwyr rhwydwaith symudol i sicrhau bod gan Gaerdydd ddarpariaeth symudol gyson a dibynadwy hyd yn oed yn ystod amseroedd prysur. P’un a yw’n ddigwyddiad mawr neu’n gyfnod teithio brig, rydyn ni am i breswylwyr, gweithwyr ac ymwelwyr gadw mewn cysylltiad heb darfu. …

  • Cynnig galwadau fideo

    Bydd ychwanegu swyddogaeth galwadau fideo at we-sgwrs yn lleihau’r angen am gyfarfodydd personol ac yn ei gwneud hi’n haws i ddinasyddion gael mynediad i gymorth o ble bynnag y maen nhw. Mae’r dull hwn yn gwella hygyrchedd, yn cynnig mwy o hyblygrwydd ac yn helpu i ddarparu gwasanaeth cyflymach, mwy personol. …

  • Cysylltedd yn adeiladau’r Cyngor

    Rydyn ni’n darparu cysylltiadau band eang am ddim am oes i 15 o adeiladau cyhoeddus y Cyngor ledled Caerdydd. Bydd hyn yn galluogi preswylwyr i gael mynediad hawdd i wasanaeth rhyngrwyd cyflym a sefydlog, p’un a ydych chi’n ymweld i gael cymorth, mynychu digwyddiadau neu angen mynd ar-lein. Mae’n rhan o’n hymrwymiad i gynhwysiant digidol …

  • Sgyrsiau gwe mewn iaith gymunedol

    Bydd treialu gwe-sgwrsio mewn ieithoedd cymunedol ar draws gwasanaethau tai, y llinell gyngor, cyllid a rheoli dyledion yn helpu i wneud ein gwasanaethau yn fwy hygyrch i breswylwyr sy’n siarad ieithoedd heblaw Saesneg neu Gymraeg. Mae’r dull hwn yn cefnogi cyfathrebu cliriach, cymorth cyflymach a phrofiad mwy cynhwysol i bob defnyddiwr. …

  • Prosiect band eang lleol

    Rydyn ni’n cwblhau’r gwaith o gyflawni’r prosiect band eang lleol i wella cysylltedd ledled Caerdydd. Mae hyn yn golygu mynediad cyflymach a mwy dibynadwy i’r rhyngrwyd ar gyfer cartrefi, busnesau a mannau cymunedol – gan helpu mwy o bobl i fynd ar-lein a chadw mewn cysylltiad â’r gwasanaethau a’r cyfleoedd sy’n bwysig. …

  • Ymgysylltu â’r cyhoedd

    Rydyn ni’n ehangu ein hymdrechion ymgysylltu o fewn y gymuned trwy weithio’n agos gyda’n timau sy’n wynebu’r cyhoedd. Trwy sgyrsiau uniongyrchol ac allgymorth, rydyn ni’n ceisio deall anghenion ein defnyddwyr yn well a’r rhwystrau y maen nhw’n eu hwynebu wrth gael mynediad i wasanaethau digidol. Bydd y mewnwelediadau hyn yn ein helpu i ddylunio atebion …

>

Dinasyddion a chymunedau

Dysgwch am ein gwaith i gefnogi trigolion Caerdydd ar-lein ac wyneb yn wyneb.

Cyngor digidol

Dysgwch am sut rydym yn gwella ein prosesau a’n gwasanaethau digidol yn fewnol ac i’r cyhoedd.

Ein gweithlu

Dysgwch am yr hyfforddiant rydym yn ei ddarparu i gefnogi cyflogeion trwy newidiadau digidol.

Ein seilwaith a’n systemau

Dysgwch am sut rydym yn diogelu ein llwyfannau digidol ac yn rheoli seiberddiogelwch.